Դիտել Իզոպրեն էջի վիքիկոդը

'''Իզոպրեն''' 2 - մեթիլբուտադիեն-1,3, ալիֆատիկ շարքի [[Չհագեցած ածխաջրածիններ|չհագեցած ածխաջրածին]], <math>CH_2=C(CH_3)-CH = CH_2</math>։

Իզոպրենը անգույն, դյուրաշարժ, հեշտ ցնդող, բոցավառվող և յուրահատուկ հոտով [[հեղուկ]] է, հալման [[ջերմաստիճան]]ը՝ -145,95&nbsp;°C, եռմանը՝ 34,067&nbsp;°C, խտությունը՝ 681 կգ/մ³։ Նրա 1,66-11,5% խառնուրդը օդի հետ պայթուցիկ է։ Անլուծելի է ջրում, լավ լուծվում է ածխաջրածնային լուծիչներում։ Կրկնակի կապերի հաշվին հեշտությամբ միացնում է [[ջրածին]], [[հալոգեններ]], հալոգենաջրածիններ, առաջնային և երկրորդային [[ամիններ]] և այլն։ Պոլիմերվում է և համապոլիմերվում, օրինակ, [[բութադիեն]]ի, [[ստիրոլ]]ի, ակրիլանիտրիլի, [[պրոպիլեն]]ի հետ։ Ստացվում է իզոբուտիլենի և [[մրջնալդեհիդ]]ի փոխազդեցությունից ստացվող 4,4-դիմեթիլդիօքսան -1,3-ի կատալիտիկ քայքայումից, իզոպենտանի կամ իզոամիլենների կատալիտիկ դեհիդրումից և այլ եղանակներով։ Իզոպրեն կարելի է անջատել նաև [[նավթ]]ի ջերմային քայքայման գազերից։ Իզոպրեն պահվում է արգելակիչների (ինհբիտորների) առկայությամբ, օրինակ, հիդրոքինոնի, ինքնաբերաբար ընթացող պոլիմերացումը կանխելու համար։ Մեծ խտության դեպքում իզոպրենը թմրեցնող է, իսկ փոքր խտության դեպքում՝ գրգռում է աչքի լորձաթաղանթը։ Թույլատրելի կոնցենտրացիան օդում 40 մգ/մ³ է։ Կիրառվում է [[իզոպրենային կաուչուկներ]] և [[բուտիլկաուչուկ]] ստանալու համար։
{{Քիմիա-անավարտ}}
{{Ածխաջրածիններ}}
{{ՀՍՀ|հատոր=4|էջ=315}}

[[Կատեգորիա:Դիեններ]]
[[Կատեգորիա:Ածխաջրածիններ]]
[[Կատեգորիա:Օրգանական սինթեզ]]