Դիտել Մեզոատոմ էջի վիքիկոդը

[[Պատկեր:Hydrogen-4.1.svg|thumb|Մուոնային հելիում, որը կազմված է 2 պրոտոնից, 2 նեյտրոնից, 1 մյուոնից և 1 էլեկտրոնից։]]
'''Մեզոատոմ''', [[ատոմ]]անման համակարգ, կազմավորվում է, երբ ատոմի միջուկի կուլոնյան դաշտը զավթում է թիրախի նյութի մեջ արգելակվող բացասական լիցքավորված մասնիկները (<math>\mu</math><sup>_</sup>, <math>\pi</math> <sup>_</sup>, <math>\Kappa</math><sup>_</sup> մեզոններ և այլն)։ Մեզոատոմի գոյությունը կանխագուշակել է [[ամերիկա]]ցի ֆիզիկոս Ջ․ Ուիլերը, [[1949]] թվականին, <math>\pi</math><sup>_</sup> մեզոնի հայտնագործումից հետո։ Ատոմի ուղեծրում մյուոնի տեղ գրավելը ուղեկցվում է արտաքին էլեկտրոններից մեկի հեռացմամբ, ուստի Z ատոմական համարով տարրի մեզոատոմը բաղկացած է Ze դրական էլեկտրական լիցքով միջուկից, բացասական մյուոնից և (Z—1) էլեկտրոնից։ Սովորաբար Մեզոատոմը կազմավորվում է գրգռված վիճակում։ Այնուհետև 10<sup>−13</sup>վրկ կարգի ժամանակամիջոցում տեղի է ունենում մեզոատոմի ապագրգռում ոչ ճառագայթային անցումների հետևանքով, այսինքն՝ զավթված մեզոնը հաջորդաբար անցնում է նվազ գրգռված վիճակի, իսկ [[էներգիա]]յի ավելցուկը ծախսվում է ատոմից էլեկտրոնի դուրս մղման համար (Օժե-պրոցեսներ)<ref name="as">{{cite web |last1=Hartmann |first1=Joachim |date=January 2000 |title=Exotic atoms |url=https://www.accessscience.com/content/exotic-atoms/YB000560 |url-status=live |archive-url=https://web.archive.org/web/20071222044613/http://www.accessscience.com/abstract.aspx?id=YB000560 |archive-date=2007-12-22 |accessdate=September 26, 2007 |website=AccessScience |publisher=McGraw-Hill |doi=10.1036/1097-8542.YB000560}}</ref>։ Հետո սկսվում են ճառագայթային անցումները (մեզոնային γ-ճառագայթում), որոնք տևում են այնքան, մինչև մեզոնը հասնում է հնարավոր նվազագույն էներգետիկ վիճակին։ Հիմնական վիճակին հասած մեզոնը մեզոատոմում մնում է այնքան ժամանակ, քանի դեռ չի տրոհվել կամ զավթվել միջուկի կողմից։ Նշանակում է, մեզոատոմի կյանքի տևողությունը մեզոնի կյանքի տևողության կարգի մեծություն է։ [[Մյուոն]]ը 207 անգամ ավելի ծանր է էլեկտրոնից։ Քանի որ Մեզոատոմներում մեզոններն ավելի մոտ են գտնվում միջուկին, քան էլեկտրոնները, ուստի միջին և ծանր միջուկներում Մեզոատոմի հիմնական վիճակում գտնվող մեզոնները կյանքի տևողության մեծ մասն անցկացնում են միջուկի ներսում։ Տարբեր մեզոատոմների հատկությունների ուսումնասիրությունը տեղեկություն է տալիս տարրական մասնիկների, դրանց փոխազդեցությունների, ինչպես նաև ատոմի միջուկի մասին։ Այսպես, <math>\mu</math><sup>_</sup> մեզոատոմի միջոցով հնարավոր է տեղեկություն ստանալ միջուկի ձևի և չափերի, միջուկի ծավալում էլեկտրական լիցքերի բաշխման մասին։ Մեզոատոմի [[Ռենտգենյան ճառագայթներ|ռենտգենյան ճառագայ]]թման սպեկտրները զգալիորեն հարուստ են սովորական ռենտգենյան սպեկտրից, իսկ դրանց կառուցվածքն էապես կախված է միացություն կազմող տարրերի [[քիմիա]]կան և [[ֆիզիկա]]կան վիճակից։ Այդ սպեկտրների օգնությամբ կարելի է ուսումնասիրել Մեզոատոմ պարունակող մոլեկուլների էլեկտրոնային թաղանթի կառուցվածքը։ Հետազոտությունների այս ուղղությունն ստացել է մեզոնային քիմիա անվանումը։

== Ծանոթագրություններ ==
{{ծանցանկ}}
{{Արտաքին հղումներ}}

{{ՀՍՀ|հատոր=7|էջ=377}}

[[Կատեգորիա:Ֆիզիկա]]