Ինտեգրա-դիֆերենցիալ հավասարումներ

Ինտեգրա-դիֆերենցիալ հավասարումներ, որոնցում որոնելի ֆունկցիայի նկատմամբ կատարվում են ինտեգրման և դիֆերենցման գործողություններ։ Գծային՝ ինտեգրա-դիֆերենցիալ հավասարումների օրինակ է

$a(x){\phi }^{\prime }(x)+b(x)\phi (x)+\underset{c}{\overset{d}{\int }}k(x,t)\phi (t)dt=f(x)$

հավասարումը, որտեղ $a(x)$, $b(x)$, $f(x)$ և $k(x,t)$ ֆունկցիաները տրված են և անընդհատ, իսկ $\phi (x)$ որոնելի ֆունկցիա է։ Որոշ պայմանների դեպքում ինտեգրա-դիֆերենցիալ հավասարումները կարելի է լուծել հաջորդական մոտավորությունների եղանակով, իսկ երբեմն էլ նրա լուծումը բերել ինտեգրալ հավասարման կամ դիֆերենցիալ հավասարման լուծման։ Ինտեգրա-դիֆերենցիալ հավասարումներն ունեն լայն և կարևոր կիրառություններ բնագիտության ամենատարբեր բնագավառներում։