Արցունքաբեր նյութեր

Արցունքաբեր նյութեր, լաքրիմատորներ (լատ․ lacrima – արցունք), քիմիական միացությունների խումբ, որոնց գոլորշիների անգամ չնչին քանակությունը (0,0002–0,0003 մգ/լ) առաջացնում է աչքի լորձաթաղանթի ուժեղ գրգռում և արցունքաբերություն։ Խիստ ազդում են նաև մաշկի և շնչառական օրգանների վրա։

Արցունքաբեր նյութեր են հալոգենի ատոմ պարունակող օրգանական շատ միացություններ ($\alpha$-հալոգենակետոնները՝ $R-CO-C{H}_{2}X$, $X$-ը՝ հալոգենի ատոմ), քլորքացախաթթվի և բրոմքացախաթթվի էսթերները, քլորպիկրինը, բրոմբենզիլցիանիդը, քլորացետոֆենոնը, քլորացետոնը և այլն։