Գնաճային ռիսկ

Գնաճային ռիսկ, ակտիվի արժեքի կորստի կամ իրական մակարդակում եկամտի չափի նվազման ֆինանսական ռիսկն է գնաճի պատճառով^[1]։

Գնաճը կապված է ընդհանուր մակարդակի բարձրացման հետ, ուստի հանգեցնում է փողի գնման արժեքի նվազման։ Եթե ակտիվի անվանական արժեքը կամ եկամտի անվանական չափը ֆիքսված է, ապա դրանք կկորցնեն իրական արժեքի մի մասը՝ գնաճի տեմպին համամասնորեն։

Գնաճի էֆեկտ

Տնտեսագիտության մեջ ընդունված է տարբերակել անվանական և իրական արժեքները։ Անվանական արժեքն արտահայտվում է ընթացիկ գներով։ Իրական արժեքն արտահայտվում է ցանկացած ժամանակահատվածի հաստատուն գներով։ Օրինակ՝ անվանական և իրական ՀՆԱ-ն։

Եթե ի սկզբանե երկու արժեքներն էլ նույնն են, ապա գնի ընդհանուր մակարդակի փոփոխությունը կհանգեցնի անվանական արժեքի իրականից շեղման։ Գնաճը կբարձրացնի այն, իսկ գնանկումը՝ կնվազեցնի։ Դա տեղի կունենա պայմանով, որ իրական արժեքը հաստատուն լինի։ Եթե ինչ-որ պատճառներով անվանական արժեքը ամրագրվում է պայմանագրով, ապա գնաճը կհանգեցնի ակտիվի իրական արժեքի իջեցմանը, իսկ գնանկումը՝ դրա աճին։ Առաջին դեպքում սեփականատերը կկորցնի, իսկ երկրորդում՝ իրական հաշվով կհաղթի։ Օրինակ բանկային վարկի, պարտատոմսի կամ պարտքի այլ երաշխիքի պարտքի չափը։ Նման իրավիճակ կստեղծվի, երբ խոսքը վերաբերում է եկամտին, այլ ոչ թե ակտիվին՝ անվանական արժեքը ֆիքսված լինելու դեպքում։ Օրինակ, վարկի ֆիքսված տոկոսադրույքը նշանակում է, որ անվանական եկամուտը չի փոխվում։ Այդ դեպքում գնաճը կհանգեցնի տոկոսադրույքների եկամտի նվազեցմանը։

Ֆորմալ մոդել

Գնաճի էֆեկտը նկարագրված է Ֆիշերի հավասարմամբ Կաղապար:Sfn։

i = r + π

,

որտեղ $i$ ՝ անվանական տոկոսադրույքն է, $r$ ՝ իրական տոկոսադրույքը; $π$ ՝ գնաճի տեմպը։ Տոկոսադրույքի փոխարեն կարող եք հաշվի առնել ակտիվի արժեքի փոփոխությունը։ Եթե $i$ հաստատուն է, իսկ $π$ դրական, ապա իրական տոկոսադրույքը կլինի ավելի մեծ, քան անվանականը, ինչը նշանակում է եկամտի մի մասի կորուստ գնաճի պատճառով։

Ռիսկ

Կողմերը պայմանագիրը փոփոխելու դեպքում կարող են հաշվի առնել գնաճը։ Օրինակ՝ տոկոսադրույքը կարող է ներառել ապագա գնաճի փոխհատուցում։ Կենսաթոշակային ֆոնդի հետ աշխատանքային պայմանագիրը կամ պայմանագիրը կարող է նախատեսել աշխատավարձի ինդեքսավորում կամ ապագա կենսաթոշակ։ Ֆիշերի հավասարումը կարող է վերաշարադրվել հետևյալ կերպ.

i = r + π^{e}

,

որտեղ $i$ ՝ անվանական տոկոսադրույքն է, $r$ ՝ իրական տկոսադրույքը, $π^{e}$ ՝ գնաճի սպասվող տեմպը

Ռիսկն առաջանում է այն ժամանակ, երբ կողմերը նախատեսում են պայմանագիր կնքել, որը հետագայում պետք է օգուտ բերի։ Միևնույն ժամանակ, նրանք ամբողջական տեղեկատվություն չունեն այն մասին, թե ինչպես են բարձրանալու գները։ Այս դեպքում կողմերը պետք է ձևավորեն գնաճային սպասումներ։ Եթե պարզվի, որ իրական գնաճը սպասվածից բարձր է, ապա կողմերից մեկը կստանա ավելի քիչ եկամուտ իրական հաշվով։ Եթե գնաճն ավելի ցածր է, ապա մյուս կողմն ավելի շատ կվճարի։ Այսպիսով, երկու կողմերն էլ ռիսկի են դիմում։