Լուսավորվածություն

Լուսավորվածություն օպտիկայում, տվյալ մակերևույթի վրա ընկնող ճառագայթման հոսքի մակերևութային խտությունը. $E=\frac{\mathrm{\Phi }}{S}$ ($\mathrm{\Phi }$–ն լուսային հոսքն է, $S$–ը՝ լուսավորվող մակերևույթի մակերեսը)։

Եթե լույսի աղբյուրի չափերը փոքր են մինչև լուսավորվող մակերևույթը եղած $r$ հեռավորության համեմատությամբ, ապա Լուսավորվածությունը որոշվում է $E=\frac{Icos\alpha }{r^2}$ առնչությամբ ($I-$ն աղբյուրի լույսի ուժն է, $\alpha$-ն՝ լուսային ճառագայթի անկման անկյունը)։ Լուսային հոսքի անհավասարաչափ բախշման դեպքում $E=\frac{d\mathrm{\Phi }}{dS}$, որտեղ $d\mathrm{\Phi }$–ն մակերևույթի $dS$ տարրի վրա ընկնող տարրական հոսքն է։

Լուսավորվածության չափման միավորներն են լյուքսը (լք) և ֆոտը. 1 ֆոտը$=10^4$ լք։