Կորության շառավիղ (օպտիկա)

Կորության շառավղի օպտիկական նախագծման համար պայմանական բանաձև

Կորության շառավիղ (ROC), ունի հատուկ իմաստ օպտիկական նախագծման մեջ: Գնդային ոսպնյակի կամ հայելու մակերեսը ունի կորության կենտրոն, որը տեղակայված է օպտիկական առանցքի երկայնքով կամ շեղված է նրանից: Ոսպնյակի մակերեսի գագաթը գտնվում է տեղական օպտիկական առանցքի վրա: Գագաթից մինչև կորության կենտրոն հեռավորությունը մակերևույթի կորության շառավիղն է։

Օպտիկական շառավիղի պայմանական բանաձևը հետևյալն է`

• Եթե գագաթը գտնվում է կորության կենտրոնի ձախ կողմում, ապա շառավիղը դրական է:
• Եթե գագաթը գտնվում է կորության կենտրոնի աջ կողմում, ապա շառավիղը բացասական է:

Այսպիսով, երբ դիտում ենք երկկողմանի ոսպնյակը կողքից, ձախ մակերևույթի շառավիղը դրական է, իսկ աջ շառավիղը բացասական:

Շատ բուհական ֆիզիկայի դասագրքերում օգտագործվում է Գաուսյան պայմանական բանաձևը, որտեղ ոսպնյակի ուռուցիկ մակերևույթները միշտ դրական են։

Ոչ գնդային հարթություն

Ոսպնյակների ոչ գնդային հարթություն ունեցող օպտիկական մակերեսները նույնպես ունեն կորույթան շառավիղ: Այս մակերեսները սովորաբար նախագծվուն են այնպես, որ դրանց հարթությունը նկարագրվում է հետևյալ հավասարմամաբ:

$z(r)=\frac{r^2}{R(1+\sqrt{1-(1+K)\frac{r^2}{R^2}})}+{\alpha }_1{r}^2+{\alpha }_2{r}^4+{\alpha }_3{r}^6+\cdots ,$

որտեղ ենթադրվում է, որ z֊ը օպտիկական առանցքն է, $z(r)$֊ը հանդիսանում է կորությունը, այսինքն մակերևույթի գագաթից հեռավորությունը z - բաղադրիչով, որը գտնվում է առանցքից $r$ հեռավորության վրա:Եթե ${\alpha }_1$֊ը և ${\alpha }_2$֊ը հավասար են զրոյի, ապա $R$֊ը հանդիսանում է կորության շառավիղը և $K$֊ն կոնիկ հաստատունը, որոնք չափվում են գագաթում (որտեղ $r=0$): Հավասարման ${\alpha }_i$ գործակիցները նկարագրում են մակերևույթի շեղումը առանցքային համաչափ քառակուսային մակերեսից, որը սահմանված է $R$ և $K$ արժեքներով ։