Գրավիտացիոն հաստատուն

G ձգողականության հաստատունն ընկած է տիեզերական ձգողականության օրենքի հիմքում

Գրավիտացիոն հաստատուն, ձգողականության հաստատուն, Նյուտոնի հաստատուն, հիմնարար ֆիզիկական հաստատուն, գրավիտացիոն փոխազդեցության հաստատունը։ Սովորաբար նշանակվում է $G$, երբեմն՝ $G_N$ կամ $\gamma$ Համաձայն Նյուտոնի տիեզերական ձգողականության օրենքի, գրավիտացիոն փոխազդեցության $F$ ուժը իրարից $r$ հեռավորության վրա գտնվող $m_1$ և $m_2$ զանգվածներով երկու նյութական կետերի միջև հավասար է

$F=G\frac{m_1{m}_2}{r^2}$:

$G$ համեմատականության գործակիցը կոչվում է ձգողականության հաստատուն։ Թվապես հավասար է այն ձգողականության ուժի մոդուլին, որով միավոր զանգվածով կետային մարմինը ազդում է միավոր հեռավորության վրա գտնվող համանման մարմնի վրա։

Միավորների միջազգային համակարգում Գիտության և տեխնիկայի տվյալների կոմիտեի հանձնարարած արժեքը 2008 թ.՝

$G$ = 6,67428(67)·10⁻¹¹ մ³ · վ⁻² · կգ⁻¹, կամ Ն · մ² · կգ⁻²,

2010 թ. այս արժեքը ուղղվեց

$G$ = 6,67384(80)·10⁻¹¹ մ³ · վ⁻² · կգ⁻¹, կամ Ն· մ² · կգ⁻²

չափով։