Հողի ռեակցիա

Հողի ռեակցիա, հողի ֆիզիկա-քիմիական հատկություն, որը ֆունկցիոնալորեն կապված է հողի պինդ և հեղուկ մասերի $N^{+}$ և $O{H}^{-}$ իոնների հետ։ Եթե հողում գերակշռում են $N^{+}$ իոնները, ապա հողի ռեակցիա թթվային է, իսկ $O{H}^{-}$ իոնները՝ հիմնային, հավասարության դեպքում՝ չեզոք։

Հողի ռեակցիան էական նշանակություն ունի հողմահարման արգասիքների միգրացիայի ժամանակ $Fe,Mn,Sr,Cu,$ տարրերի միացությունների միգրացման ունակությունն աճում է թթվային միջավայրում, իսկ $Si$ և $Al$ տարրերի միացություններինը՝ հիմնայինում։ Հողի ռեակցիան ազդում է բույսերի կենսագործունեության վրա։ Շատ բույսեր տուժում են $H^{+}$ և $A^{+13}$ իոնների մեծ կոնցենտրացիայից, դրա համար էլ թթու հողերը անհրաժեշտ է կրացնել։ Ուժեղ հիմնային հողերը (ալկալի հողեր, սոդային աղուտներ), որոնք բնութագրվում են $O{H}^{-}$ իոնների բարձր կոնցենտրացիայով և անստրուկտուրայնությամբ, նպաստավոր չեն բույսերի աճման և զարգացման համար։ Գիպսացումը, օրգանական պարարտացման հետ, չեզոքացնում է հիմնային ռեակցիան և բարելավում է հողի ագրոնոմիական հատկությունները։ Հողի ռեակցիայի քանակական գնահատման համար օգտագործվում են տարբեր ցուցանիշներ՝ հողի սուսպենզիայի $pH$-ը ջրում կամ $KCl$-ի լուծույթում, տիտրված թթվայնությունը կամ հիմնայնությունը։