Հավասարաչափ փոփոխական շարժում

Հավասարաչափ փոփոխական շարժում, կետի շարժում, երբ նրա ${\omega }_{\tau }$ շոշափող արագացումը (ուղղագիծ հավասարաչափ փոփոխական շարժման դեպքում ամբողջ $\omega$արագացումը) հաստատուն Է։ Շարժումն սկսելուց $t$ վայրկյաններ անց, կետի $v$ արագությունը և սկզբնական դիրքից կետի անցած $S$ ճանապարհը (հետագծի աղեղով) հավասարաչափ փոփոխական շարժման դեպքում որոշվում են $v=v_0+{\omega }_{\tau }t$, $S=v_{0}t+\frac{{\omega }_{\tau }{t}^2}{2}$ բանաձևերով, որտեղ $v_0$-ն կետի սկզբնական արագությունն Է։ Երբ $v$-ի և $\omega$-ի նշանները նույնն են, հավասարաչափ փոփոխական շարժումն արագացող Է, իսկ երբ տարբեր են՝ դանդաղող Է։ Պինդ մարմինը կարող Է կատարել համընթաց հավասարաչափ փոփոխական շարժում, որի դեպքում ամբողջ ասվածը վերաբերում Է մարմնի յուրաքանչյուր կետին, և անշարժ առանցքի շուրջը հավասարաչափ փոփոխական պտտական շարժում, որի դեպքում մարմնի $\omega$ անկյունային արագացումը հաստատուն Է, իսկ մարմնի $\omega$ անկյունային արագությունը և պտտման $\phi$ անկյունը որոշվում են

$\omega ={\omega }_0+\epsilon t$, $\phi ={\omega }_{0}t+\frac{\epsilon t^2}{2}$

հավասարումներով (${\omega }_0$-ն մարմնի սկզբնական անկյունային արագությունն է)։ Կաղապար:Ֆիզիկա-անավարտ Կաղապար:ՀՍՀ