Մաննիխի ռեակցիա

Մաննիխի ռեակցիա, ամինամեթիլացում, ջրածնի շարժուն ատոմ պարունակող օրգանական միացություններում այդ ջրածինը ամինամեթիլ խմբով՝ $-C{H}_{2}N=$ տեղակալելու ռեակցիա։ Իրականացվում է օրգանական միացության, մրջնալդեհիդի և ամոնիակի կամ ամինների փոխազդեցությամբ՝ $C{H}_{2}COC{H}_3+C{H}_{2}O+(C{H}_3{)}_{2}NH\cdot NCl\to C{H}_{2}CO\cdot C{H}_2\cdot C{H}_{2}N(C{H}_3{)}_2\cdot HCl+H_{2}O$

Մաննիխի ռեակցիան կիրառվում է օրգանական սինթեզում և օգտագործվում դեղանյութերի արդյունաբերության մեջ։ Ռեակցիան հայտնաբերել է գերմանացի քիմիկոս Կ. Մաննիխը (С. Mannich, 1917)։