Ստոքսի օրենք

Ստոքսի օրենք, հիդրոդինամիկայի օրենք, որը սահմանում է մածուցիկ անսահմանափակ հեղուկում դանդաղ համընթաց շարժում կատարող կարծր գնդիկի վրա ազդող դիմադրության $F$ ուժը։

$F=-6\pi r\eta v$,

որտեղ $\eta$-ն հեղուկի մածուցիկության գործակիցն է, $r$-ը՝ գնդիկի շառավիղը, $v$-ն՝ արագությունը։ Բանաձևն արտածել է Ջորջ Գաբրիել Ստոքսը 1851 թվականին։ Այն ճիշտ է միայն Ռեյնոլդսի թվի փոքր (Re<l) արժեքների դեպքում։

Կիրառություններ

Ստոքսի օրենքը կիրառվում է կոլոիդ քիմիայում, մոլեկուլային ֆիզիկայում և օդերևութաբանության մեջ։

Ստոքսի օրենքով կարելի է որոշել մառախուղի փոքր կաթիլների, կոլոիդ մասնիկների, տղմի մասնիկների և այլ մանր մասնիկների նստեցման արագությունը։ Ստոքսի օրենքը կիրառվում է նաև մածուցիկաչափության մեջ՝ խիստ մածուցիկ հեղուկների (օրինակ՝ խեժերի) մածուցիկության գործակիցը որոշելու համար։ Կաղապար:Ֆիզիկա-անավարտ Կաղապար:ՀՍՀ Կաղապար:Արտաքին հղումներ