Մագնիսական բևեռ

Մագնիսական բևեռ (Երկրի), Երկրի մակերևույթի կետեր, որոնցում Երկրի մագնիսական դաշտի լարվածության հորիզոնական բաղադրիչը հավասարվում է զրոյի (պտտման հորիզոնական առանցքով մագնիսական սլաքը ուղղաձիգ դիրք է գրավում)։

Նման կետեր ընդգրկող տիրույթներ կան նաև մագնիսական անոմալիաների խոշոր շրջաններում (տեղային բևեռներ)։ Գոյություն ունեն երկու գլխավոր մագնիսական բևեռներ (հյուսիսային և հարավային), որոնց կոորդինատները ($\psi$ և $\lambda$) Երկրի մակերևույթի վրա անընդհատ փոփոխվում են։

1970-ի տվյալներով հվ․ բևեռի կոորդինատներն են՝ $\psi =75,0^0\pm 0,5^0$ հս․ լ․, $\lambda =99,0^0\pm l,0^0$ արմ․ երկ․, իսկ հս–ինը՝ $\psi =66,5^0\pm 0,5^0$ հվ․ լ․, $\lambda =140,0^0\pm 1,0^0$ արլ․ երկ․։ Այդ կետերում զուգամիտում են մագնիսական բոլոր միջօրեականները։