Կլապեյրոն-Կլաուզիուսի հավասարում

Կաղապար:Բազմապատիկ պատկերներ Կլապեյրոն-Կլաուզիուսի հավասարում (ֆրանսիացի ֆիզիկոս Բենուա Պոլ Էմիլ Կլապեյրոնի և գերմանացի ֆիզիկոս Ռուդոլֆ Կլաուզիուսի անունով), առնչություն ֆազային հավասարակշռության մեջ գտնվող թերմոդինամիկական համակարգի ճնշման և ջերմաստիճանի փոփոխությունների միջև

$\frac{dp}{dT}=\frac{q}{T(V_2-V_1)}$,

որտեղ $p$-ն ճնշումն է, $T$-ն ջերմաստիճանը, $q$-ն ֆազային անցման (թաքնված) ջերմությունը, $V_1$-ը, $V_2$-ը առաջին և երկրորդ ֆազերում մեկ մասնիկին բաժին ընկնող ծավալը։ Առաջին կարգի ֆազային փոխարկումների ժամանակ Կլապեյրոն-Կլաուզիուսի հավասարումն արտահայտում է սուբլիմացման, եռման, հալման և այլ ջերմաստիճանների կախումը ճնշումից։

Կլապեյրոն-Կլաուզիուսի հավասարումը ֆազերի հավասարակշռության կորի դիֆերենցիալ հավասարումն է։