Կարբոնատներ

Կարբոնատներ, ածխաթթվի աղեր։

Տարբերում են չեզոք (օրինակ, $N a_{2} C O_{3}$ ), թթու (հիդրոկարբոնատներ կամ բիկարբոնաաներ՝ $N a H C O_{3}$ ) և հիմնային ( $C u_{2} (O H)_{2} C O_{3}$ -մալաքիտ միներալ)։ Ջրում լուծելի են միայն ալկալիական մետաղների, ամոնիումի և թալիումի չեզոք կարբոնատներ։ Հիդրոլիզի պատճառով դրանց լուծույթները ցույց են տալիս հիմնային ռեակցիա։ Թթու կարբոնատները լավ են լուծվում ջրում։ Տաքացնելիս, մինչև հալման կետին հասնելը, կարբոնատները քայքայվում են $(C a C O_{3} = C a O + C O_{2})$ , բացառություն են կազմում ալկալիական մետաղների և թալիումի կարբոնատները։

Հիդրոկարբոնատները տաքացնելիս փոխարկվում են չեզոք կարբոնատի $(2 K H C O_{3} = K_{2} C O_{3} + H_{2} O + C O_{2})$ ։ Ուժեղ թթուների ազդեցությամբ չեզոք և թթու կարբոնատները քայքայվում են՝ անջատելով $C O_{2}$ , օրինակ՝ $N a_{2} C O_{3} + H_{2} S O_{4} = N a_{2} S O_{4} + H_{2} O + C O_{2}$ ։

Չեզոք կարբոնատները լայնորեն տարածված են բնության մեջ և կազմում են միներալների առանձին խումբ (բնական կարբոնատներ)։ Ցինկի, կապարի, պղնձի, երկաթի և այլ մետաղների կարբոնատներ արժեքավոր մետկան հանքանյութեր են։ Ոչ հանքային հումքը՝ կրաքարը $(C a C O_{3})$ , մագնեզիտը $(M g C O_{3})$ , վիտերիտը $(B a C O_{3})$ կիրառում են շինարարության, քիմիական արդյունաբերության, հրակայուն նյութերի արտադրության մեջ ևս։ Սինթետիկ կարբոնատներից տեխնիկայում լայնորեն օգտագործում են սոդան ( $N a_{2} C O_{3}$ և $N a H C O_{3}$ ) և քիչ քանակով պոտաշը $(K_{2} C O_{3})$ ։ Հիդրոկարբոնատները ֆիզիոլոգիական կարևոր դեր են կատարում կենդանի օրգանիզմում, բուֆերային նյութեր են։ Կաղապար:Քիմիա-անավարտ Կաղապար:Արտաքին հղումներ Կաղապար:ՀՍՀ

Կարբոնատներ

Նավարկման ցանկ

Որոնում