Բուլանժերիտ

Բուլանժերիտ (ֆրանսիացի միներալոգ Շառլ Բուլանժեի անունով), միներալ, բարդ սուլֆիդ. $P{b}_{5}S{b}_4{S}_{11}$:

Բյուրեղագիտական համակարգը մոնոկլինային է։ Առաջացնում է ասեղնաձև բյուրեղիկներ կամ թելավոր ագրեգատներ։ Գույնը՝ արծաթամոխրագույնից մինչև կապարամոխրագույն։ Կարծրությունը՝ 2,5-3,0, խտությունը՝ 6230 կգ/մ³: Հանդիպում է Անդրբայկալի, Ուզբեկստանի, Ուկրաինայի, Չեխիայի, Գերմանիայի, Ֆրանսիայի, ԱՄՆ-ի բազմամետաղային հանքավայրերում, Հայաստանում՝ Ազատեկի հանքավայրում։ Մեծ կուտակումների դեպքում հանդիսանում է կապարի հանքանյութ։