Դ'Ալամբերի սկզբունք

Դ'Ալամբերի սկզբունք կամ Դ'Ալամբեր-Լագրանժի սկզբունք, մեխանիկայի հիմնական սկզբունքներից, տալիս է դինամիկայի և ստատիկայի խնդիրների լուծման ընդհանուր մեթոդ, ըստ որի, մեխանիկական համակարգի կետերի վրա ազդող ակտիվ ուժերը, կապերի hակազդումները և իներցիայի ուժերը կազմում են հավասարակշռված ուժային համակարգ։ Դ'Ալամբերի սկզբունքի համաձայն, մեխանիկական համակարգի յուրաքանչյուր $i$ -րդ կետի համար $F_{j} + N_{i} + I_{i} = 0$ , ուր $F_{j}$ -ն այդ կետի վրա ազդող ակտիվ ուժն է, $N_{i}$ -ն՝ կապերի հակազդումը, $I_{i}$ -ն՝ իներցիայի ուժը, որը մեծությամբ հավասար է կետի $m_{i}$ զանգվածի և $w_{i}$ արագացման արտադրյալին ( $I_{i} = m_{i} w_{i}$ ) և ուղղված է այդ արագացմանը հակառակ։ Դ'Ալամբերի սկզբունքը հնարավորություն է ընձեռնում դինամիկայի խնդիրները լուծելիս օգտագործել ստատիկայի ավելի պարզ մեթոդներ։ Այն հարմար է, հատկապես, կապերի հակազդումները որոշելիս, երբ համակարգի շարժման օրենքը հայտնի է կամ որոշվում է համապատասխան հավասարումներից

Կաղապար:ՀՍՀ Կաղապար:Ֆիզիկա-անավարտ

Դ'Ալամբերի սկզբունք

Նավարկման ցանկ

Որոնում