Եռանիտրամեթան

Եռանիտրամեթան

Եռանիտրամեթան, նիտրաֆորմ, $HC(N{O}_2{)}_3$, բնորոշ հոտով, հեշտությամբ պնդացող հեղուկ է։ Հալման ջերմաստիճանը 22–23°C է, եռմանը՝ 45–47°C, խտությունը՝ 1479 կգ/մ³ (20°C)։ Լավ լուծվում է ջրում և օրգանական լուծիչներում։ Երկար պահելուց քայքայվում է, հարվածից, արագ տաքացնելիս՝ պայթում։ Ուժեղ թթու է (դիսոցման հաստատունը՝ $6,8\cdot 10^{-1}$ 20°C–ում)։ Մետաղների և օրգանական հիմքերի հետ առաջացնում է աղեր (օրինակ՝ $KC(N{O}_2{)}_3$)։ Եռանիտրամեթան ստանում են խիտ $HN{O}_3$-ը ացետիլենի վրա (սնդիկի նիտրատի առկայությամբ) ազդելով կամ քառանիտրամեթանից։ Կիրառվում է լաբորատոր պայմաններում նիտրոմիացություններ սինթեզելու համար։ Թունավոր է։