Լուսային հոսք

Լուսային հոսք, տեսողական զգացողությամբ գնահատվող ճառագայթային էներգիայի հոսք։ Նշանակվում է F կամ Փ, չափման միավորն է լյումենը։

Լուսային հոսք արտահայտվում է

$\mathrm{\Phi }=M\int p(\lambda )v(\lambda )d\lambda$

բանաձևով, որտեղ $p(\lambda )d\lambda$-ն մեներանգ ճառագայթման հզորությունն է $\lambda ,\lambda +d\lambda$ սպեկտրային տիրույթում, $v(\lambda )$-ն՝ աչքի հարաբերական սպեկտրային զգայնությունը ցերեկային տեսողության պայմաններում, իսկ $M$-ը հաստատուն գործակից է, որ կախված է միայն հզորության և լուսային հոսքի չափման միավորներից (լյումեն և վատտ միավորների դեպքում M= 682 լմ/վտ)։ M-ը երբեմն անվանում են հզորության լուսային համարժեք, իսկ հակադարձ մեծությունը՝ լույսի մեխանիկական համարժեք։ Կաղապար:Ֆիզիկա-անավարտ Կաղապար:ՀՍՀ Կաղապար:Արտաքին հղումներ