Հավանականական ավտոմատ

Հավանականական ավտոմատ, մաթեմատիկական համակարգ, որը որոշվում է $A=\{a_1,...,a_n\}$, $B=\{b_1,...,b_m\}$ կամայական վերջավոր բազմություններով և $P=p\{a_i,b_j,a_k\}$ հավանականությունների բաշխումով, որտեղ $\sum _{k_{=}1}^{n}p(a_i,b_j,a_k)=l$ տարրերը կոչվում են ներքին վիճակներ, իսկ $B$-ինը՝ մուտքի ազդանշաններ։ Հավանականական ավտոմատը գործում է ժամանակի ընդհատ ակնթարթներին՝ հետևյալ եղանակով, ժամանակի դիտարկվող յուրաքանչյուր ակնթարթին, գտնվելով որևէ $a_1$ ներքին վիճակում և ստանալով որևէ $b_j$ մուտքային ազդանշան, համակարգը $P=p(a_i,b_j,a_k)$ հավանականությամբ անցնում է $a_k$ վիճակին $(l⩽k⩽n)$։ Հավանականական ավտոմատը դիսկրետ ավտոմատի ընդհանրացումն է։ Հավանականական ավտոմատը օգտագործվում է ուսուցման պրոցեսի ֆորմալ մոդելներում և բարդ վարքի մոդելներում, որտեղ ավտոմատի ռեակցիան միանշանակ չէ։