Հիդրոնիում

Կաղապար:Տեղեկաքարտ Նյութ Հիդրոնիում, հիդրոնիումի իոն, հիդրօքսոնիումի իոն, ջրային լուծույթում ջրածնի հիդրատացված իոնը՝ $H_3{O}^{+}$։ Լուծույթում ջրածնի ազատ իոնը (այսինքն, ջրածնի ատոմի միջուկը՝ պրոտոնը) կապվում է ջրի մոլեկուլների հետ՝ առաջացնելով, գլխավորապես հիդրոնիում՝ $H^{+}+H_{2}O=H_3{O}^{+}$։ Պրոտոնի աննշան չափի ($10^{-13}$ սմ, մնացած իոնների շառավիղները $10^{-8}$ սմ կարգի են) պատճառով այն ստեղծում է էլեկտրական ուժեղ դաշտ, որի ազդեցությամբ ջրի մոլեկուլի թթվածնի ազատ էլեկտրոնային զույգի և պրոտոնի միջև առաջանում է կովալենտ կապ։ Հիդրոնիումի առաջացումը նման է ամոնիումի իոնի առաջացմանը։ Բյուրեղներում $H_3{O}^{+}$ իոնը կոչվում է օքսոնիում։ Պարզված է, որ ջրի մոլեկուլների ասոցման պատճառով հիդրոնիում կապվում է մեծ քանակությամբ ջրի հետ։ Այդ դեպքում ստացված հիդրոնիումի հիդրատացված իոններն արտահայտում են $H_5{O}_2^{+},H_7{O}_3^{+},H_9{O}_4^{+}$ բանաձևերով։

Տես նաև

• Ազոտ