Մուլտիպլետություն

Մուլտիպլետություն (Կաղապար:Lang-en — բազմակի, բազմապատիկ), ատոմի կամ մոլեկուլի լրիվ սպինի հնարավոր դիրքորոշումների թիվը $(k)$ տարածության մեջ։ Ըստ քվանտային մեխանիկայի՝ $k=2S+1$ ($S$-ը սպինային քվանտային թիվն է)։ Կենտ թվով $(N)$ էլեկտրոններով համակարգերի դեպքում $S=1/2,3/2,5/2,$․․․ և մուլտիպլետություն զույգ է ($k=2,4,6$․․․)։ Այդպիսի համակարգերի համար հնարավոր են դուբլետային, կվարտետային, սեկստետային և այլ քվանտային վիճակներ։ Եթե $N$-ը զույգ է, ապա $S=0,1,2,$․․․, և մուլտիպլետություն կենտ է ($k=1,3,5$․․․), այդ դեպքում հնարավոր են սինգլետային, տրիպլետային, կվինտետային և այլ վիճակներ։ Մուլտիպլետություն որոշում է այն ենթամակարդակների թիվը, որոնք առաջանում են սպին-ուղեծրային փոխազդեցության հետևանքով էներգիայի մակարդակի տրոհումից (մուլտիպլային տրոհում, որը հանգեցնում է սպեկտրային գծերի տրոհման)։