Македонски: Опит кој ја демонстрира реакциската сила кај Архимедовиот закон, односно реакциската сила на Архимедовата сила. Кога шипката се потопува во водата, се појавува силата на потисок (Архимедовата сила), со која водата која дејствува на шипката вертикално нагоре. Согласно третиот Њутнов закон (на секоја сила одговара друга сила која има еднаков интензитет со првата и дејствува во спротивна насока), се појавува сила со еднаков интензитет како и силата на потисок но која дејствува на водата во спротивна насока (надолу). Тоа дејство од водата се пренесува на садот и на тасот и поради тоа доаѓа до пореметување на рамнотежата. Треба да се забележи дека прачката не се става да тежи во чашата, туку тежината се зголемува само со вметнување на тело во водата. Изведено и објаснето од проф. Оливер Зајков. Институт за физика на Природно-математичкиот факултет во Скопје.