Պուասոնի գործակից

L կողի երկարությամբ, իզոտրոպ գծային առաձգական նյութից խորանարդի դեֆորմացիան x առանցքով։ Պուասոնի գործակիցը 0.5 է։ Կանաչ խորանարդը դեֆորմացված չէ, կարմիրն x ուղղությամբ երկարել է $\mathrm{\Delta }L$ չափով, y և z ուղղություններով սեղմվել է $\mathrm{\Delta }{L}^{\prime }$ չափով։

Պուասոնի գործակից, առաձգական մարմնի նյութի ֆիզիկական բնութագիր, որը հավասար է մարմնի տարրի լայնական և երկայնական հարաբերական դեֆորմացիաների բացարձակ արժեքների հարաբերությանը։ Մուծել է Սիմեոն Պուասոնը։

Նկարագրում

Ուղղանկյուն զուգահեռանիստը x առանցքի ուղղությամբ ձգելիս այդ առանցքի երկայնքով տեղի է ունենում երկարացում՝

${\epsilon }_x=\frac{a_1-a}{a}>0$,

իսկ у և z ուղղահայաց առանցքների երկայնքով՝ սեղմում.

${\epsilon }_z=\frac{c_1-c}{c}<0$,

այսինքն՝ զուգահեռանիստի լայնական կտրվածքի նեղացում։

Պուասոնի գործակիցը հավասար է՝

${\nu }_{yx}=\left|\frac{{\epsilon }_y}{{\epsilon }_x}\right|$

կամ

${\nu }_{zx}=\left|\frac{{\epsilon }_z}{{\epsilon }_x}\right|$

Իզոտրոպ մարմնի դեպքում Պուասոնի գործակիցի մեծությունը չի փոխվում ոչ ձգումը սեղմումով փոխարինելիս, ոչ էլ դեֆորմացիայի առանցքների փոփոխության ժամանակ, այսինքն՝ ${\nu }_{xy}={\nu }_{yx}={\nu }_{zx}=\nu$։

Անիզոտրոպ մարմիններում Պուասոնի գործակիցը կախված է առանցքների ուղղությունից։ Պուասոնի գործակիցը, առաձգականության մոդուլներից մեկի հետ, որոշում է իզոտրոպ մարմնի բոլոր առաձգական հատկությունները։ Պուասոնի գործակցի մեծությունը մետաղական նյութերի մեծ մասի համար մոտ է 0,3-ի։

Կաղապար:Անավարտ