Սինուսոիդ

Սինուսոիդ, (սինուս և Կաղապար:Lang-el - տեսք, կերպ բառերից), $y=sin(x)$ ֆունկցիայի գրաֆիկը, հարթ կոր, որը ցույց է տալիս սինուսի փոփոխությունը՝ կախված արգումենտի (անկյան) փոփոխությունից։ Հաճախ սինուսոիդ է կոչվում $Asin(\omega x+{\varphi }_0)$ ֆունկցիայի գրաֆիկը, որը ստացվում է $y=sin(x)-h$ գրաֆիկից՝ այն $Oy$ առանցքի ուղղությամբ $|A|$ անգամ ձգելով և $Ox$ առանցքի ուղղությամբ $|\omega |$ անգամ ձգելով ու $-\frac{{\varphi }_0}{\omega }$ չափով տեղափոխելով։ $A$ թիվը անվանում են ամպլիտուդ (լայնույթ), $\omega$-ն՝ հաճախություն, ${\varphi }_0$-ն՝ սկզբնական փուլ։ Սինուսոիդը մեծ կիրառություն ունի տատանումների տեսության մեջ։