Վոլտ (չափման միավոր)

Վոլտ (հայերեն նշանակումը՝ Վ; միջազգային՝ V), միավորների միջազգային համակարգում էլեկտրական պոտենցիալի, պոտենցիալների տարբերության, էլեկտրական լարման և էլեկտրաշարժիչ ուժի չափման միավոր։

Երկու կետերի միջև պոտենցիալների տարբերությունը հավասար է 1 վոլտի, եթե 1 կուլոն մեծությամբ լիցքի տեղափոխելու համար մեկ կետից մյուսը անհրաժեշտ է կատարել 1 Ջոուլ մեծությամբ աշխատանք։ Վոլտը նաև հավասար է այն էլեկտրական լարմանը, որը առաջացնում է 1 ամպեր հոսանք էլեկտրական շղթայում 1 վատտ հզորության դեպքում։

Միավորը կոչվել է իտալացի ֆիզիկոս և ֆիզիոլոգ Ալեսանդրո Վոլտայի պատվին։

$\text{V}=\frac{\text{W}}{\text{A}}=\frac{\text{J}}{\text{A}\cdot \text{s}}=\frac{\text{N}\cdot \text{m}}{\text{A}\cdot \text{s}}=\frac{\text{kg}\cdot {\text{m}}^2}{\text{A}\cdot {\text{s}}^3}=\frac{\text{kg}\cdot {\text{m}}^2}{\text{C}\cdot {\text{s}}^2}=\frac{\text{N}\cdot \text{m}}{\text{C}}=\frac{\text{J}}{\text{C}}$

Ծանոթագրություններ

Կաղապար:Անավարտ