Ալիքային դիմադրություն

Ալիքային դիմադրություն էլեկտրական գծերում գործող լարման և տվյալ կտրվածքով անցնող հոսանքի հարաբերությունը էլեկտրամագնիսական վազող ալիքների տարածման ժամանակ։

Էլեկտրադինամիկայում

Հաճախ ալիքային դիմադրությունն անվանում են բնութագրական դիմադրություն։ Բաշխված պարամետրերով գծերի համար ալիքային դիմադրությունն կարտահայտվի

$Z=\sqrt{\frac{R+i\omega L}{g+i\omega C}}$

բանաձևով, որտեղ.

• $R$-ը դիմադրությունն է,
• $g$-ն՝ հոսակորուստը,
• $L$-ը՝ ինդուկտիվությունը,
• $C$-ն՝ գծի երկարության միավորին բաժին ընկնող ունակությունը,
• իսկ $\omega =2\pi f$, որտեղ $f$-ը սնող հոսանքի հաճախականությունն է։

Գծում կորուստ չլինելու դեպքում ($R=0$) ալիքային դիմադրությունն իրական է և կախված է գծի չափերից, երկրաչափական ձևից (նաև էլեկտրոդների նյութից ու դիէլեկտրիկից)։ Եթե գիծը բեռնավորված է ալիքային դիմադրությունյանը հավասար դիմադրությամբ, ապա նրանում անդրադարձող ալիքները բացակայում են։ Նման գիծը կոչվում է համաձայնեցված։

Հարթ ալիքի ալիքային դիմադրությունն որոշվում է էլեկտրական ($E$) և մագնիսական ($H$) դաշտերի լարվածությունների հարաբերությամբ՝

$Z=\frac{E}{H}$

որն էլ իր հերթին հավասար է՝

$Z=\sqrt{\frac{j\omega \mu }{\sigma +j\omega \epsilon }}$

Ձայնագիտությունում

Ձայնագիտության մեջ, վազող հարթ ալիքի ստեղծած ճևշման կամ մեխանիկակաև լարման ($P$) և միջավայրի մասնիկների շարժման արագության ($V$) հարաբերաթյունը՝

$R=\frac{P}{V}=\rho C$

որտեղ $\rho$-ն միջավայրի խտությունն է, $C$-ն՝ ձայնի արագությունը։

Գազադինամիկայում

Գազադինամիկայում լրացուցիչ աերոդինամիկ դիմադրություն, որն առաջանում է, երբ գազում շարժվող մարմնի արագությունը մեծ է լինում ձայնի արագությունից։ Շարժվող մարմնի առաջացրած հարվածային ալիքները մեծացնում են մարմնի շարժման դիմադրությունը։

Ծանր հեղուկներում

Ծանր հեղուկներում, շարժվող մարմնի վրա ազդող լրացուցիչ դիմադրություն, որն առաջանում է ծանր հեղուկի ազատ մակերևույթի մոտով մարմնի շարժման ժամանակ։ Շարժման պատճառով հեղուկի մակերևույթի վրա գոյանում են ալիքներ, որոնք առաջացնում են ալիքային դիմադրություն՝ կախված շարժվող մարմնի ձևից և հեղուկի ազատ մակերևույթից ունեցած հեռավորությունից։

Տես նաև

• Ձայնական դիմադրություն

Արտաքին հղումներ

• Standing Wave Diagram Կաղապար:Webarchive Application for drawing Standing Wave Diagrams, specifying the wave impedance whenever the wave changes mediums.