Բյուրեղային ցանց

NaCl քարաղի բյուրեղային ցանցը

Բյուրեղային ցանց, բյուրեղային վիճակում նյութին հատուկ մասնիկների (ատոմներ, իոններ, մոլեկուլներ) կանոնավոր դասավորությունը, որ բնորոշվում է երեք չափումներում պարբերական կրկնությամբ։ Կազմված է բյուրեղների կառուցվածքը բնութագրող կրկնվող բջիջներից։ Ըստ բյուրեղի համաչափության տարրական բջիջը կարող է լինել շեղանկյուն կամ ուղղանկյուն զուգահեռանիստ, քառանկյուն կամ վեցանկյուն պրիզմա, խորանարդ։ Բյուրեղային ցանցի մաթեմատիկական սխեման, որում պահպանվում են միայն տեղափոխումների երկրաչափական պարամետրերը և ցույց չի տրվում ատոմների կոնկրետ տեղաբաշխումը տվյալ կառուցվածքում, այն կոչվում է տարածական ցանց։ Բյուրեղային ցանցով է պայմանավորված բյուրեղների անիզոտրոպությունը, նիստերի հարթ լինելը, անկյունների կայունությունը և այլ հատկություններ։

Բրավեյի ցանցերի տեսակները
Պարզ	Չկենտրոնացված	Կողակենտրոնացված	Ծավալակենտրոնացված	Կրկնակի ծավալակենտրոնացված-

Ցանցերի դասակարգումը ըստ համաչափության

• Ցածր կատեգորիա
• Եռասեպ։ $a\ne b\ne c$, $\alpha \ne \beta \ne \gamma \ne 90^{\circ }$
  • Միասեպ։ $a\ne b\ne c$, $\alpha =\gamma =90^{\circ },\beta \ne 90^{\circ }$
  • Շեղանկյունային։ $a\ne b\ne c$, $\alpha =\beta =\gamma =90^{\circ }$
• Միջաին կատեգորիա
  • Քառանիստային։ $a=b\ne c$, $\alpha =\beta =\gamma =90^{\circ }$
  • Վեցանիստային։ $a=b\ne c$, $\alpha =\beta =90^{\circ },\gamma =120^{\circ }$
• Բարձր կատեգորիա
  • Խորանարդային։ $a=b=c$, $\alpha =\beta =\gamma =90^{\circ }$