Զեղչի տոկոսադրույք

Զեղչի տոկոսադրույք, ֆինանսական կատեգորիա, որն օգտագործվում է վարկավորման հետ կապված հետևյալ գործընթացները բնութագրելու համար.

1. Զեղչի տոկոսադրույքն այն տոկոսադրույքն է, որով երկրի Կենտրոնական բանկը վարկեր է տրամադրում առևտրային բանկերին։ Ռուսական պրակտիկայում, զեղչի տոկոսադրույք տերմինի հետ մեկտեղ, այս իրավիճակի համար օգտագործվում է վերաֆինանսավորման տոկոսադրույք տերմինը։ Որքան բարձր է Կենտրոնական բանկի զեղչի տոկոսադրույքը, այնքան ավելի բարձր տոկոսներ են գանձվում առևտրային բանկերի կողմից իրենց հաճախորդներին տրամադրվող վարկի համար և հակառակը։
2. Զեղչի տոկոսադրույքը վերաբերում է տոկոսին, տոկոսադրույքին, որը բանկի կողմից գանձվում է մուրհակի գումարից «մուրհակի հաշվառման» ժամանակ (բանկի կողմից այն գնելու ժամկետից շուտ)։ Փաստորեն, զեղչի տոկոսադրույքն այս դեպքում այն գինն է, որը գանձվում է պարտավորության ձեռքբերման համար՝ մինչև վճարման ժամկետը լրանալը։ Փաստորեն, զեղչի տոկոսադրույքն այս դեպքում այն գինն է, որը գանձվում է պարտավորության ձեռքբերման համար՝ մինչև վճարման ժամկետը լրանալը։ Կենտրոնական բանկի կողմից պետական արժեթղթերը հաշվառելիս կամ դրանց գրավադրմամբ վարկ տրամադրելիս կիրառվում է պաշտոնական զեղչի տոկոսադրույք տերմինը։

Պարզ, բարդ և անվանական զեղչի տոկոսադրույք

Պարզ զեղչի տոկոսադրույք

Պարզ զեղչի տոկոսադրույքով հաշվառելիս զեղչը գանձվում է պարտավորության ընդհանուր գումարի նկատմամբ և յուրաքանչյուր անգամ ներկայացնում է միևնույն մեծությունը.

$P=S-S*n*d=S(1-nd)$,

որտեղ`

• $P$ ` վճարման գումարը,
• $S$ ` պարտավորության ընդհանուր գումարը (վճարման գումարը գումարած զեղչը),
• $d$ ` զեղչի տոկոսադրույքը` արտահայտված բաժնետոմսերով,
• $n$ ` վճարման ենթակա ժամանակահատվածների քանակը։

Բարդ զեղչի տոկոսադրույք

Բարդ զեղչի տոկոսադրույքով հաշվառելիս վճարման գումարը` $P$-ն, հաշվարկվում է հետևյալ բանաձևով`

$P=S(1-d{)}^n$

(նույն նշանակումներով)։

Անվանական զեղչի տոկոսադրույք

Անվանական զեղչի տոկոսադրույքով $f$-ը հաշվառելիս, որը տարեկան հաշվարկվում է $m$ անգամ, $n$ տարի հետո վճարման գումարը` $P$-ն, հաշվարկվում է հետևյալ բանաձևով.

$P=S(1-\frac{f}{m}{)}^{mn}$:

Ազդեցություն

Երկրի կենտրոնական բանկի կողմից զեղչի տոկոսադրույքի մակարդակի փոփոխությունը բավականին արդյունավետ գործիք է տնտեսությունը մակրոմակարդակով կառավարելու համար։ Զեղչի տոկոսադրույքի արհեստական իջեցումը կարող է առաջացնել պետական արժույթի արժեզրկում, սակայն խթանել տնտեսական ակտիվությունը։

Արտաքին հղումներ

• История ставок рефинансирования на сайте Центрального банка Российской Федерации
• История учётных ставок Национального Банка Украины