Պլանկի լիցք

Պլանկի լիցք, հիմնական միավորներից մեկը Պլանկի միավորների բնական համակարգում։ Նշանակվում է $q_{\text{P}}$: Հիմնարար ֆիզիկական հաստատուններով սահմանված էլեկտրական լիցքի քանակն է։

Պլանկի լիցքը որոշվում է որպես

$q_{\text{P}}=\sqrt{4\pi {ϵ}_0\hslash c}=\sqrt{2ch{ϵ}_0}=\frac{e}{\sqrt{\alpha }}=1.8755459\times 10^{-18}$ Կլ,

որտեղ

$c$-ն լույսի արագությունն է վակուումում,

$h$-ը՝ Պլանկի հաստատունը,

$\hslash \equiv \frac{h}{2\pi }$-ը՝ Պլանկի բերված հաստատունը,

${ϵ}_0$-ը՝ վակուումի դիէլեկտրիկական թափանցելիությունը,

$e$-ն՝ տարրական էլեկտրական լիցքը,

$\alpha$ = (137.03599911)⁻¹-ն՝ նուրբ կառուցվածքի հաստատունը։

Պլանկի լիցքը ${\alpha }^{-1/2}\approx 11.706$ անգամ մեծ է էլեկտրոնի e լիցքից։

Գաուսի միավորներով սահմանվում է այնպես, որ $4\pi {ϵ}_0=1$: Այս դեպքում $q_{\text{P}}$-ն կունենա հետևյալ պարզ տեսքը՝

$q_{\text{P}}=\sqrt{\hslash c}$:

Տեսական ֆիզիկայում ընդունված է կիրառել Հեվիսայդ-Լորենցի միավորները։ Եթե ընդունենք $c=1$, ինչպես ՄՄ համակարգում ընդունում ենք ${ϵ}_0={\mu }_0=1$, Պլանկի լիցքը սահմանումը կարելի է ներկայացնել նաև որպես

$q{\text{'}}_{\text{P}}=\sqrt{{ϵ}_0\hslash c}=\frac{e}{\sqrt{4\pi \alpha }}=5.291\times 10^{-19}$ Կլ։

Երբ էլեկտրական լիցքը չափվում է $q{\text{'}}_{\text{P}}$ միավորներով, այսինքն, երբ $q{\text{'}}_{\text{P}}$ ընդունվում է 1, ստանում ենք $\alpha =e^2/(4\pi )$, ինչը սովորաբար օգտագործվում է տեսական ֆիզիկայում։ ՍԳՎ բնական միավորներով, երբ $q_{\text{P}}=1$, կունենանք $\alpha =e^2$: