Սևան (հանքային ջուր)

Կաղապար:Այլ Կաղապար:Տեղեկաքարտ Խմիչք «Սևան», հիդրոկարբոնատ-քլորիդային, նատրիում-մագնեզիումական, ցածր ջերմաստիճանի հանքային ջուր Հայաստանի Գեղարքունիքի մարզում՝ Գավառ քաղաքի տարածքում (Գավառագետի ձախ ափին) և շրջակայքում։ Առաջանում է բազալտային անդեզիտներով ծածկված պլիոցենի լճագետային նստվածքներում։ Ելքերը կապված են հյուսիսարևմտյան, լայնակի և միջօրեականի ուղղությամբ տեկտոնական խախտումների հետ և Երկրի մակերևույթ են դուրս գալիս հորատանցքերով։ Շահագործվում է 1955 թվականից։ Հանքայնացումը 2, 8 գ/լ է, CO₂-ի պարունակությունը՝ 1, 8 գ/լ, շահագործման պաշարները՝ 1710 մ³/օր։

Քիմիական կազմ

Սևան հանքային ջրի քիմիական կազմն է՝

CO₂1․8 M 2.8 $\frac{HC{O}_{3}54Cl43}{(Na+K)45Mg38Ca16}$ T15 °C

Պարունակում է նաև Fe, I, Br, B, F, Zn միկրոտարրեր։

Ջրաբուժական հատկություններ

Ջրաբուժական հատկություններով նման է «Հանքավան», «Լիճք» և «Եսենտուկի» № 4 (ՌԴ) հանքային ջրերին։ Օգտագործվում է ստամոքսաղիքային, միզուղիների հիվանդությունների և նյութափոխանակության խանգարումների դեպքերում։