Էլեկտրական կոնդենսատոր

Կաղապար:Թերի աղբյուր Կաղապար:Բազմակի պատկեր Կոնդենսատոր, էլեկտրական սարք՝ կազմված երկու կամ ավելի էլեկտրոդներից, որոնք բաժանված են դիէլեկտրիկով, վերջինիս հաստությունը շրջադիրների չափերի համեմատ փոքր է։ Կիրառվում է թույլ հոսանքի և ուժային էլեկտրական շղթաներում, որպես կենտրոնացված էլեկտրական ունակություն։ Կախված դիէլեկտրիկի տիպից, շրջադիրների նյութից, կոնստրուկտիվ կատարումից՝ տարբերում են՝ թղթի, օդային, խեցե, թաղանթային, էլեկտրոլիտիկ և այլ կոնդենսատորներ։

Դիցուք՝ կոնդենսատորի դրական և բացասական շրջադիրների լիցքերը և պոտենցիալները համապատասխանաբար, հավասար են՝

$q_{1} = q$ ,

$q_{2} = - q$ ,

$ϕ_{1}, ϕ_{2}$ Երբ N=2, լիցքավորված կոնդենսատորի լրիվ էներգիան կլինի՝

$W = \frac{1}{2} (ϕ_{1} q_{1} + ϕ_{2} q_{2}) = \frac{1}{2} (ϕ_{1} q - ϕ_{2} q) = \frac{1}{2} q (ϕ_{1} - ϕ_{2}) = \frac{1}{2} q U$

Այստեղ $U = ϕ_{1} - ϕ_{2}$ -ը կոնդենսատորի շրջադիրների պոտենցիալների տարբերությունն է՝ կոնդենսատորի լարումը։ Հաշվի առնելով, որ կոնդենսատորի ունակությունը՝ $C = q / U$ , նրա էներգիայի համար կստանանք հետևյալ արտահայտությունները՝

$W = q U / 2, W = C U^{2} / 2, W = q^{2} / 2 C$

Նկատենք, որ այս բանաձևով որոշվում է կոնդենսատորի լիցքերի փոխազդեցության լրիվ էներգիան, այն է՝ ինչպես մեկ և մյուս շրջադիրների լիցքերի փոխազդեցության էներգիան, այնպես էլ յուրաքանչյուր շրջադիր լիցքերի փոխազդեցության էներգիան։

Գրականություն

Ֆիզիկա-11։ Ավագ դպրոցի 11-րդ դասարանի դասագիրք ընդհանուր և բնագիտամաթեմատիկական հոսքերի համար։ Հեղինակներ՝ Է. Ղազարյան, Ա. Կիրակոսյան, Գ. Մելիքյան և այլք։ Երևան, 2010 թվական

Էլեկտրական կոնդենսատոր

Գրականություն

Նավարկման ցանկ

Որոնում