Մագնիսական դաշտի լարվածություն

Մագնիսական դաշտի լարվածություն, վեկտորական ֆիզիկական մեծություն, միջավայրում մագնիսական դաշտի քանակական բնութագրերից։ Նշանակումը՝ $\overrightarrow{H}$։

Հատկություններ

Ընդհանուր դեպքում մագնիսական դաշտի լարվածությունը կախված է ժամանակից և տարածական կոորդինատներից։ Բավարարում է Մաքսվելի հավասարումներին։

Միավորների ՍԳՎ համակարգում $\overrightarrow{H}$-ը մագնիսական դաշտի մյուս ավելի հիմնական բնութագրի՝ մագնիսական ինդուկցիայի $\overrightarrow{B}$ վեկտորի հետ կապված է

$\overrightarrow{B}=\overrightarrow{H}+4\pi M$

առնչությամբ, որտեղ M-ը մագնիսացման վեկտորն է, այսինքն՝ միջավայրի միավոր ծավալի մագնիսական մոմենտը։

Իզոտրոպ միջավայրի դեպքում $\overrightarrow{H}$ և $\overrightarrow{B}$ վեկտորները կապված են պարզ գծային առնչությամբ՝

$\overrightarrow{H}=\frac{\overrightarrow{B}}{\mu }$

(ՍԳՎ համակարգում), որտեղ $\mu$-ն միջավայրի մագնիսական թափանցելիությունն է։ Վակուումում $\mu =1$ և մագնիսական դաշտի լարվածությունը համընկնում է մագնիսական դաշտի ինդուկցիային։

Չափման միավորներ

ՍԳՎ համակարգում մագնիսական դաշտի լարվածության չափման միավորը էրստեդն է, իսկ Միավորների միջազգային համակարգում՝ ա/մ-ը (1 է= 79.6 ամպեր/մ)։ Կաղապար:Ֆիզիկա-անավարտ