Նարնջի յուղ
Նարնջի յուղ կամ Նարնջի քաղցր յուղ, եթերային յուղ, որը ստացվում է նարնջի կեղևից և պտղից (Citrus sinensis)։
Հատկություններ
Նարնջի յուղ, նարնջի պտղի հոտով և ոչ դառը համով դեղին կամ նարնջագույն հեղուկ, սառելու դեպքում պղտորվում է։
| LD50, կգ/գ | |||
|---|---|---|---|
| 0,845 — 0,851 | 1,472 — 1,476 | + 96,5° — + 98,5° | > 5 (առնետներ, խմելու դեպքում) > 5 (նապաստակներ, մաշկի վրա) |
96%-անոց էթիլ սպիրտում (1:0,5÷1) լուծվում է, իսկ ջրում՝ ընդհանրապես լուծելի չէ։
Բաղադրություն
Յուղի ընդհանուր բաղադրության մեջ ածխաջրերի քանակը > 90 % -ից, նրանցից հիմնականը հանդիսանում են՝ (+)-լիմոնենը, ցիտրալը, դեկանալը, ալիֆատիկ և տերպենատիկ սպիրտների բարդ եթերները և սեսկբիտերպենային ալդեհիդները՝ α- և β- սինենսալներ։
Բացի այդ յուղի բաղադրության մեջ մտնում են՝ միրցեն, α- և β- տերպինեններ, α-տերպինոլեն, ֆելանդրեն, n-ցիմոլ, α-պինեն, α-տույեն, կամֆեն, սաբինեն, ֆերնեզեն, α- և β-կուբեբեններ, α-և β-կոպաեններ, β-էլեմեն, կարիոֆիլլեն, α- և β-գումուլեններ, վալենսեն, δ-կադինեն, α- և β-իլանգեններ, α-տերպինեոլ, ցիտրոնելլոլ, լինալոոլ, ներոլ, գերանիոլ և մի շարք բաղադրամասեր։
Ստացում
Ստանում են նարնջի կեղևը և ամբողջական պտուղները, առանց տաքացնելու, սեղմելով։
Հիմնական արտադրողներն են Իսպանիան, Իտալիան, ԱՄՆ-ը, Մեքսիկան, Գվինեան, Իսրայելն ու Բրազիլիան։
Կիրառումներ
Կիրառում են ոչ ալկոհոլնային խմիչքների պատրաստման մեջ, հրուշակեղենների արտադրության մեջ, օծանելիքների կազմության մեջ՝ որպես բաղադրամաս, օճառների և կոսմետիկ միջոցների արտադրության մեջ՝ որպես բույր։
Արոմաթերապիայի ղեկավարությունը խորհուրդ է տալիս օգտագործել նարնջի քաղցր յուղը՝ նյարդային լարվածության, դեպրեսիայի, անքնության ժամանակ, նաև օգտակար է համարվում ջղաձգության համար Կաղապար:Sfn։