Ներքնաձիգ

Նկար 1

Ներքնաձիգ, երկրաչափության մեջ ուղղանկյուն եռանկյան ամենամեծ, ուղիղ անկյան դիմացի կողմը։ Ուղղանկյուն եռանկյան ներքնաձգի երկարությունը կարելի է հաշվել Պյութագորասի թեորեմի օգնությամբ։ Ըստ որի՝ ուղղանկյուն եռանկյան ներքնաձգի քառակուսին հավասար է էջերի քառակուսիների գումարին։

Ներքնաձգի հաշվարկում

Ինչպես ասվեց, ներքնաձիգը կարելի է հաշվել Պյութագորասի թեորեմի օգնությամբ հետևյալ բանաձևով

$c=\sqrt{a^2+b^2}$,

որտեղ $c$-ն ներգնաձիգի երկարությունն է, իսկ $a$ և $b$ թվերը կողմերի երկարությունները։ Այս հավասարումը կարելի է ստանալ նաև կոսինուսների թեորեմից

$c^2=a^2+b^2-2ab\cos 90^{\circ }=a^2+b^2⟹c=\sqrt{a^2+b^2}$

Եռանկյունաչափական ֆունկցիաներ

Նկար 2

Բոլոր տարրական երկրաչափության դասագրքերում մինչ օրս սուր անկյան եռանկյունաչափական ֆունկցիան հաշվվում է որպես ուղղանկյուն եռանկյան կողմերի հարաբերությունը։

Դիցուք $OAB$-ն ուղղանկյուն եռանկյուն է $\alpha$ անկյունով (տես Նկ. 3)։ Այդ դեպքում՝

• $\alpha$ անկյան սինուսը կոչվում է $\frac{AB}{OB}$ հարաբերությունը (դիմացի էջի հարաբերությունը ներքնաձիգին)։
• $\alpha$ անկյան կոսինուսը կոչվում է $\frac{OA}{OB}$ հարաբերությունը (կից էջի հարաբերությունը ներքնաձիգին)։
• $\alpha$ անկյան տանգենս կոչվում է $\frac{AB}{OA}$ հարաբերությունը (դիմացի էջի հարաբերությունը կից էջին)։
• $\alpha$ անկյան կոտանգենս կոչվում է $\frac{OA}{AB}$ հարաբերությունը (կից էջի հարաբերությունը դիմացի էջին)։
• $\alpha$ անկյան սեկանս կոչվում է $\frac{OB}{OA}$ հարաբերությունը (ներքնաձիգի հարաբերությունը կից էջին)։

Անկյան կոսեկանս կոչվում է հարաբերությունը (ներքնաձիգի հարաբերությունը դիմացի էջին)։