Պլանկի ջերմաստիճան

Պլանկի ջերմաստիճան, ջերմաստիճանի չափման միավորը բնական միավորներով, Պլանկի միավորների համակարգում։ Նշանակվում է T_P։ Ժամանակակից տիեզերագիտական պատկերացումների համաձայն, այն Տիեզերքի ջերմաստիճանն է Մեծ Պայթյունի սկզբնական պահին (Պլանկի ժամանակ)։

Սահմանումը

Պլանկի ջերմաստիճանը սահմանվում է որպես

$T_P=\frac{m_P{c}^2}{k}=\sqrt{\frac{\hslash c^5}{G{k}^2}}=$ 1,41679(11)Կաղապար:E Կ (այլ կերպ ասած, Պլանկի ջերմաստիճանը 141 նոնիլիոն 679 օկտիլիոն աստիճան է),

որտեղ m_P-ն Պլանկի զանգվածն է, c-ն՝ լույսի արագությունը վակուումում,

$\hslash$-ը՝ Պլանկի հաստատունը,

k-ն՝ Բոլցմանի հաստատունը, G-ն՝ գրավիտացիոն հաստատունը։

Փակագծերի երկու թիվը արտահայտում են Պլանկի ջերմաստիճանի անորոշությունը (ստանդարտ շեղումը)։ Այլ ջերմաստիճանային սանդղակներով Պլանկի ջեմրաստիճանը կարելի է արտահայտել, օրինակ, 0 °C = 273.15 K = 1.9279 անգամ 10⁻³⁰T_P։

Նշանակությունը

Պլանկի ջերմաստիճանը այն միավորներից է, որոնք ներկայացնում են հիմնարար սահմանները քվանտային մեխանիկայում։ Ժամանակակից տեսական ֆիզիկան ի վիճակի չէ նկարագրել ավելի բարձր ջերմաստիճան ունեցող որևէ մարմին, քանի դեռ կատարելապես մշակված չէ քվանտային գրավիտացիայի տեսությունը։ Պլանկի ջերմաստիճանից բարձր ջերմաստիճաններում մասնիկների էներգիան այնքան մեծ է դառնում, որ ձգողականության ուժերը նրանց միջև համեմատելի են դառնում մյուս հիմնարար փոխազդեցությունների հետ։

Տես նաև

• Պլանկի հաստատուն

Արտաքին հղումներ

• NIST reference: Պլանկի ջերմաստիճան
• Ի՞նչ է բացարձակ զրոյի հակառակը