Լորենցի ուժ

Կաղապար:Էլեկտրամագնիսականություն Լորենցի ուժը էլեկտրամագնիսական դաշտում շարժվող լիցքավորված մասնիկի վրա ազդող $\overrightarrow{F}$ ուժն է ։ Այդ ուժի բանաձևը, որը ստացել է Հենդրիկ Լորենցը՝ իբրև փորձի ընդհանրացման արդյունք, ունի հետևյալ տեսքը. $\overrightarrow{F}=e\overrightarrow{E}+\frac{e}{c}[\overrightarrow{v}\overrightarrow{B}]$ , որտեղ $e$-ն մասնիկի լիցքն է, $\overrightarrow{E}$-ն էլեկտրական դաշտի լարվածությունը, $\overrightarrow{B}$-ն՝ մագնիսական ինդուկցիան, <math\>\vec v</math>-ն՝ մասնիկի արագությունը նշված մեծությունների հաշվարկման իներցիալ համակարգի նկատմամբ, իսկ $c$-ն՝ լույսի արագությունը վակուումում (բոլորն էլ CGS համակարգի միավորներով)։

Բանաձևից երևում է, որ Լորենցի ուժի էլեկտրական մասը կախված չէ $\overrightarrow{v}$-ից և ուղղված է էլեկտրական դաշտի ուղղությամբ կամ դրան հակառակ (լիցքի նշանից կախված), իսկ մագնիսական մասը կախված է $\overrightarrow{v}$-ից և ուղղահայաց է $\overrightarrow{v}$ և $\overrightarrow{B}$ վեկտորներին ուղղահայաց։

Հավասարումը SI համակարգում

Շարժման ժամանակ (v արագությամբ) լիցքավորված մասնիկի (q լիցքի) վրա ազդող Լորենցի F ուժը։ E եւ B դաշտերը փոխվում են տարածության եւ ժամանակի մեջ։

Արտաքին էլեկտրական E և մագնիսական B դաշտերում v արագությամբ շարժվող q էլեկտրական լիցք ունեցող մասնիկի վրա ազդող F ուժը հավասար է՝

$𝐅=q(𝐄+𝐯\times 𝐁)$

որտեղ ×-ն վեկտորական արտադրյալ է։ Բոլոր թավ մեծությունները վեկտորներ են։
Առավել պարզ՝

$𝐅(𝐫,t,q)=q𝐄(𝐫,t)+q\dot{𝐫}\times 𝐁(𝐫,t),$

որտեղ r —ը լիցքավորված մասնիկի շառավիղ-վեկտորն է, t-ն՝ ժամանակը, կետով ցույց է տված ածանցյալն ըստ ժամանակի։