Ցիրկոնիումի կարբիդ

Ցիրկոնիումի կարբիդ

Ցիրկոնիումի կարբիդ, ZrC, ցիրկոնիումի միացությունն ածխածնի հետ։ Մոխրագույն, դժվարահալ (3800 °C), բյուրեղական նյութ է։ Լուծվում է արքայաջրում և տաք, խիտ ծծմբական թթվում։ Օգտագործվում է որպես մետաղների դժվարահալ ծածկույթներ, հղկանյութ, խեցանյութերի բաղադրիչ։

Ստացումը

• Գազային ֆազից նստեցումով.

Մեթոդի հիմքում ընկած է հետեևյալ ռեակցիան.

$𝖹𝗋𝖢{𝗅}_{\mathrm{𝟦}}\mathsf{+}𝖢{𝖧}_{\mathrm{𝟦}}\mathsf{+}{𝖧}_{\mathrm{𝟤}}\mathsf{\rightleftarrows }𝖹𝗋𝖢\mathsf{+}\mathrm{𝟦}𝖧𝖢𝗅\mathsf{+}{𝖧}_{\mathrm{𝟤}}$

Նստեցումը տեղի է ունենում 1700-2400°C տաքացված վոլֆրամե թելի մակերևույթի վրա։ Պրոցեսը բարձր ջերմաստիճանի տակ իրականացնելիս (մոտավորապես 2400°C) հնարավոր է լինում ստանալ միաբյուրեղային նստվածք։ Մեթանը կարող է փոխարինվել նաև տոլուոլով, բենզոլով կամ ացետիլենով։