Նորմալ արագացում

Նորմալ արագացման գրաֆիկ

Նորմալ արագացում, կենտրոնաձիգ արագացում, կորագիծ շարժման դեպքում նյութական կետի արագացման բաղադրիչ, որն ուղղված է կետի հետագծի գլխավոր նորմալի ուղղությամբ դեպի կորության կենտրոնը։ Առաջանում է կենտրոնաձիգ ուժի ազդեցությամբ և բնութագրում է կետի արագության ուղղության փոփոխությունը։ Նորմալ արագացում թվապես հավասար է $v^2/\rho$ ($v$-ն կետի գծային արագությունն է, $\rho$-ն՝ հետագծի կորության շառավիղը)։ Շրջանագծով շարժման դեպքում նորմալ արագացում կարելի է հաշվել $r{\omega }^2$ բանաձևով ($r$-ը շրջանագծի շառավիղն է, $\omega$-ն այդ շառավղի պտտման անկյունային արագությունը)։ Ուղղագիծ շարժման դեպքում նորմալ արագացում հավասար է զրոյի։