Իզոթերմ պրոցես

Իզոթերմ պրոցես

Իզոթերմ պրոցես, որի դեպքում հաստատուն է մնում համակարգի ջերմաստիճանը $T=const,\mathrm{\Delta }T=0$։ Ծավալի տեղափոխման ժամանակ համակարգն աշխատանք է կատարում։ Իզոթերմ պրոցեսում կարող է փոխվել համակարգի էներգիան՝ պայմանավորված մասնիկների փոխազդեցության պոտենցիալ էներգիայի փոփոխությամբ։ Եթե համակարգն իդեալական գազ է, ապա նրա ներքին էներգիան կախված է միայն ջերմաստիճանից, ուստի՝ իզոթերմ պրոցեսում այն մնում է հաստատուն՝ $U=const$ և $\mathrm{\Delta }U=0$։ Համաձայն ջերմադինամիկայի առաջին օրենքի՝ այս դեպքում

$Q=-A=A^{\prime }$

Եթե գազը ջերմաքանակ ստանում է, ապա այն կատարում է դրական աշխատանք՝ $A^{\prime }>0$, իսկ եթե գազը շրջապատին ջերմաքանակ է տալիս՝ $Q<0$, ապա այն բացասական աշխատանք է կատարում։ Ջերմունակության սահմանումից հետևում է, որ տրված $Q$ ջերմաքանակի հաշվին որքան փոքր է ջերմաստիճանի $\mathrm{\Delta }T$ փոփոխությունը, այնքան մեծ է համակարգի $C$ ջերմունակությանը։ Մասնավորապես, եթե համակարգին $Q\ne 0$ ջեմաքանակ հաղորդելիս նրա ջերմաստիճանը չի փոխվում՝ $\mathrm{\Delta }T=0$, ապա նրան կարելի է վերագրել անվերջ մեծ ջերմունակություն։ Այդպիսի ջերմունակությամբ օժտված համակարգը կատարում է թերմոստատի դեր, այսինքն՝ ապահովում է ջերմաստիճանի հաստատունությունը ջերմահաղորդման պրոցեսում։

Տես նաև

• Գեյ-Լյուսակի օրենք
• Իզոբար պրոցես
• Իզոխոր պրոցես