Հոսանքի ուժ

Հոսանքի ուժ, $I$ֆիզիկական մեծությունն է, որը հավասար է հաղորդչի հատույթով անցնող $\mathrm{\Delta }Q$լիցքի հարաբերությանը այն $\mathrm{\Delta }t$ ժամանակամիջոցին, որի ընթացքում լիցքն անցել այդ մակերեսով։

U- էլեկտրական լարումI- Հոսանքի ուժ P- Էլեկտրական հզորություն R- տեղամասի դիմադրություն

$I=\frac{\mathrm{\Delta }Q}{\mathrm{\Delta }t}.$

Սովորաբար նշանակում են $I$տառով, Կաղապար:Lang-fr-ից։

Հոսանքի ուժը միավորների Միջազգային համակարգում (ՄՀ) չափվում է ամպերով։ Հայերեն նշանակումը Ա, միջազգային նշանակում A, ամպերը յոթ հիմնական միավորներից մեկն է։ 1Ա = 1ԿԼ/վ։

Ըստ Օհմի օրենքի հաղորդչի տեղամասում $I$հոսանքի ուժը ուղիղ համեմատական է կիրառված $U$լարմանը և հակառակ համեմատական է տեղամասի $R$ դիմադրությանը։

$I=\frac{U}{R}$

Լրիվ շղթայի համար Օհմի օրենքից՝

$I=\frac{\epsilon }{R+r}$

Լիցքակիրներ, որոնց ուղղորդված շարժումը բերում է հոսանքի առաջացմանը, հանդիսանում են էլեկտրոնները, իոնները և խոռոչները։ Հոսանքի ուժը կախված է կիցքակիրների $q$ լիցքից, նրանց $n$կոնցենտրացիայից, շարժման միջին $\overrightarrow{v_{cp}}$ արագությունից, հատույթի մակերեսի $S$մեծությունից և ձևից։

Եթե $n$ և $\overrightarrow{v_{cp}}$ հաստատաուն են հաղորդչի ամբողջ ծավալիով, իսկ մակերեսը տափակ է, ապա հոսանքի ուժի հաշվման բանաձևը կարելի է ներկայացնել հետևյալ կերպ։

$I=qnS{v}_{cp}\cos \alpha ,$

որտեղ $\alpha$ — մակերեսին տարված նորմալի և արագության վեկտորի կազմած անկյունն է։

Ընդհանուր դեպքում փոքր $dS$մակերեսով հոսող հոսանքի $dI$ հոսանքի ուժը հաշվվում է։

$dI=qn{v}_{cp}\cos \alpha dS.$

Իսկ ամբողջ մակերեսով հոսանքի ուժը հաշվելու բանաձևը կգրվի ամբողջ մակերեսով ինտեգրալի տեսքով։

$I=\underset{S}{\int }qn{v}_{cp}\cos \alpha dS.$

Քանի որ մետաղների դեպքում հոսանքակիրները էլեկտրոններն են՝

$I=\underset{S}{\int }en{v}_{cp}\cos \alpha dS,$

որտեղ $e$ — էլեկտրոնի լիցքն է (տարրական լիցք)։

$qn\overrightarrow{v_{cp}}$վեկտորը կոչվում է էլեկտրական հոսանքի խտություն, որը հավասար է լիցքի, հատույթի մակերեսի և լիցքի շարժման $\overrightarrow{v_{cp}}$միջին արագության արտադրյալին։

Հոսանքի ուժը չափում են հատուկ սարքերով, որոնք կոչվում են ամպերմետր (միլիամպերմետր, միկրոամպերմետր, գալվանոմետր)։Միացնում են ամպերմետրը հաջորդաբար այն տեղին, որտեղ անհրաժեշտ է չափել հոսանքի ուժը։

Հոսանքի ուժի չափման հիմնական ձևերն են՝ մագնիսաէլեկտրական, էլեկտրամագնիսական և անուղակի (հայտնի դիմադրության վրա լարման չափման միջոցով)։

Գրականություն

• Կաղապար:Книга